好多人都會叫 AI 幫手寫稿，但寫完之後成日覺得——語氣唔似自己，有時仲唔知佢究竟講緊咩。如果你本身唔識改稿，最後就變成讀稿拍片，睇完好似有睇過，又好似冇睇過。
呢個問題，其實唔係 AI 嘅錯，而係大多數人用錯方法。
1
大多數人點用 AI？
好多人淨係丟一兩句指令落去，就想 AI 幫你做晒所有嘢。例如：
常見指令
「幫我寫一支 90 秒關於中年轉型嘅影片文案」
然後 AI 就會上網搵一堆通用內容，整出一篇睇落好完整、但其實冇靈魂嘅稿。
✕
語氣工具人
✕
觀點好普通
✕
讀起嚟完全唔似你
2
真正有價值嘅內容係咩？
AI 要發揮作用，大前提係你要俾「有價值」嘅內容佢，而唔係叫佢上網搵嘢。
乜嘢叫有價值？就係你瞌埋眼都識做、人一問你就答得出嘅嘢。可能係你做咗十幾二十年嘅工作，或者你日常生活中好熟悉嘅範疇。因為你太熟，所以一講起就停唔到口，內容又有料、觀點又獨到。
但問題嚟啦——當你要將呢啲嘢教人，或者拍成短影片嘅時候，就會變得好長、好散、好亂。觀眾冇耐性聽你慢慢鋪排，超過 90 秒佢哋已經劃走。
呢個時候，AI 先真正有用。
3
AI 真正應該點用？
AI 唔係幫你由零開始寫，而係幫你「消化」。
你講出雜亂但有料嘅嘢
AI消化、整理、包裝
你微調語氣同用詞
你將自己講嗰一大段雜亂但有料嘅嘢丟畀佢，叫佢幫你：
1
抽出重點
2
精簡結構
3
開頭 3 秒內寫出強勾子，留住觀眾
4
每隔大約 10 秒製造一個好奇心缺口，令人想繼續聽落去
5
用 Storytelling 把沉悶嘅內容、服務或者產品包裝成故事，增加代入感同記憶點
6
加入「我都係咁」嘅共鳴，或者俾到觀眾一啲方向感
7
最後用有價值嘅 Call to Action，而唔係純粹叫人留言
做完之後，你再微調語氣同用詞，你原本嘅特色同觀點，其實可以保留得相當完整。
重點所以重點唔係「用唔用 AI」，而係你曉唔曉用 AI，幫你將腦入面嗰啲好亂但又有料嘅嘢，變成一支真正有人睇完、甚至會收藏同留言嘅 90 秒影片。
4
一個實用提示詞
可直接複製 · 如果你想系統化咁做，可以用以下呢個提示詞：
90 秒短影片文案提示詞最後一行貼上你原本講嘅嗰段說話
你係一位專門幫內容創作者把「雜亂但有價值的專業想法」轉化成高留存短影片的文案專家。你擅長把長篇、跳躍、口語化的思考整理成嚴格控制在90秒內的短影片文案。 我接下來會給你一段我自己講的內容（可能很長、很散、很口語）。請嚴格按照以下要求處理： 【核心任務】 1. 消化並提煉我提供內容中最有價值、最獨到的觀點與經驗，不要加入我沒有提到的新觀點。 2. 把內容重新組織成一支「90秒以內」的短影片文案（目標字數約220-280字）。 3. 盡量保留我原本的語氣、用詞習慣與真實感，不要變成過度正式或工具人語氣。 【必須遵守的結構與技巧】 - 開頭3秒內必須有強勾子：直接點出痛點、矛盾或反常識的說法。 - 使用Storytelling或「問題→洞察→方法」的結構。 - 大約每8-12秒設計一個「好奇心缺口」或小轉折。 - 結尾要有餘韻，並加入有價值的Call to Action。 【風格要求】 - 語氣自然、口語、像真人在鏡頭前說話。 - 語言使用自然的香港粵語口語風格。 【輸出格式】 只輸出最終的影片文案，不要解釋思考過程。文案請分段，方便拍攝時停頓與換氣。 現在請處理以下內容： （貼上你原本講的那段話）
最後想講
AI 本身唔會偷走你嘅風格，真正偷走風格嘅，係你只俾咗一啲好淺、好空嘅指令畀佢。
當你肯將自己真正熟悉、真正有料嘅嘢講出嚟，再配合正確嘅結構同提示詞，AI 反而可以變成一個好強嘅整理工具，幫你把腦入面嗰啲亂糟糟但有價值嘅思維，變成一支有人願意睇完、收藏、甚至留言嘅短影片。
提交即表示你同意收取一人出片嘅電郵更新。