呢一步唔好自己人手寫完整提示詞。最有效嘅方法係：你講清楚劇情同要求，交畀 Claude 或 Grok 幫你寫出適合 Seedance 2.5 嘅提示詞。因為 AI 同 AI 溝通，用詞同結構會更準確。
一個 30 秒影片提示詞必須包含嘅元素
- 參考圖片清單：清楚列出要用嘅角色圖、場景圖、道具圖檔名。
- 風格總指令：每次都貼返同一段風格描述。
- 通用規則：身高差、書包、唔可以加額外對白、唔好有文字／水印等限制。
- 分鏡：每個鏡頭嘅時間碼、景別、運鏡、畫面描述、對白／旁白。
- 燈光同音樂：呢段嘅光線變化同音樂情緒。
- 結尾限制：例如「不要文字疊層，不要水印，對白只可以跟本段列明嘅內容」。
點樣交畀 AI 寫
你可以咁樣同 Claude 或 Grok 講：
「幫我寫一段 30 秒 Seedance 2.5 影片提示詞。集數：第13集第1段。劇情：清晨周洛喺校門口等阿瑛成個鐘頭，阿瑛見到佢有啲心虛。用返我平時嘅風格總指令同通用規則。參考圖：學校門口.png、男主角周洛_夏季校服.png、女主角_夏季校服_馬尾.png。請用分鏡格式寫，每個鏡頭標明時間碼。」
AI 寫完之後，你再人手檢查同微調，尤其係對白、身高差、書包等限制。
重要工作習慣：保持同步
當你有任何改動，例如自己改咗提示詞，又或者生成咗新嘅 AI 資產圖片，都要上載返俾幫你寫劇同寫提示詞嘅 AI（Claude 或 Grok）。互相通報先可以保持資訊同步，等佢知道你改咗啲咩、擺落 Seedance 之後生成咗啲咩。如果唔 update，之後寫下一集提示詞就會兩邊唔同步，容易出錯。
影片提示詞範例（第13集段1）
風格總指令：韓劇電影質感，參考《背著善宰跑》，35mm 膠片顆粒感，淺景深，柔和自然光，16:9 橫向，廣東話對白＋旁白，不要字幕，不要有韓文字。時代背景：1999 年香港。
通用規則：周洛約 180cm，阿瑛約 157cm，兩人同框時周洛要明顯高一個半頭。著校服喺街頭必須孭書包。對白及旁白只可以跟本段列明嘅內容，不要額外加對白或者旁白。
參考圖：學校門口.png、男主角周洛_夏季校服.png、女主角_夏季校服_馬尾.png
鏡頭A（0:00-0:05）：遠景→中景，清晨，學校門口空蕩蕩，冷藍晨光，薄霧。周洛（校服＋深藍薄外套，孭住書包，眼下有黑眼圈）企喺校門側邊，雙手呵氣，不時望向馬路盡頭。校工拉開鐵閘。
運鏡：遠景→中景，鐵閘拉開聲，晨雀聲。
鏡頭B（0:05-0:10）：快切蒙太奇（時間流逝）：校門口大鐘 7:15 → 7:45 → 8:10；同學一個接一個入校；周洛站姿不變。
運鏡：快切，時鐘特寫。
鏡頭C（0:10-0:15）：中景，遠處，阿瑛（校服＋書包，神情有啲心虛）低頭行近校門，抬頭見到周洛，腳步一頓。
運鏡：中景，由周洛背面拍向遠處阿瑛。
（後續鏡頭同對白繼續……）
--不要文字疊層，不要水印，對白及旁白只可以跟本段列明嘅內容，不要額外加對白或者旁白。
注意：未寫好 prompt 唔好撳 Enter。生成完多數需要後期補救，夠好就收手，重抽未必更好。
